عندنا في البلد كان ولازال موضوع الدُخلة البلدي ده منتشر جدًا، ولو حد قرر إنه يتعافى من الغباء ده بيتم الطـ ـعن من تاني يوم في العروسة إنها مش بِكر، وعشان يخرس الألسنة لازم يتم الاحتفاء بد م العُذريـ ـة للبنت قدام الناس كلها ويكون بعد الفرح بساعة أو ساعتين بالكتير، ولما حاول أكتر من حد يخرج برة عباية التراث ده مقدرش أبدًا..
أمر مشهور ومعروف ومحتاج سنين من الوعي عشان يعدي ويكمل، أما تاني حاجة ورثناها هي إن البنت لازم تتجوز ابن عمها، وبيوصل الموضوع في بعض العائلات إن ده فرض عليها ولو خالفته ممكن تتقتـ ـل أو حد يأذيها، وتحديدًا في العائلات الكبيرة اللي بيستكبروا يناسبوا من برة العائلة ولازم النسب يكون من جوة العائلة..
وأنا كنت عارفة إني هتجوز ابن عمي وإن ده أمر مفروغ منه، ويمكن أنا من القِلة من البنات اللي حبت ابن عمها فعلًا، حبته بطريقة تفوق الوصف زي ما بيقولوا، وفعلًا اتقدملي ووالدي وافق بدون ما ياخد رأيي أصلًا، ومرت الأمور كويسة اللهم إلا من مشكلة كبيرة شوية كانت هتبوظ كل حاجة لولا إنها اتحلت وكمل الموضوع واتجوزنا أنا وهو، ويوم الفرح كان الكل منتظر الاحتفاء بموضوع الد م ده بفارغ الصبر..
بنت كبير أكبر عائلة في البلد ولازم الاحتفال ميكونش عادي ولا طبيعي أبدًا، وفعلًا تم الموضوع على خير وخرجوا بالقماشة البيضا اللي عليها نقط الد م وبدأ احتفال غير طبيعي، لدرجة إن البلد كلها تقريبًا معرفتش تنام من ضــ,,ـــــرب النــ,,ـــــار طول الليل، الاحتفال زي ما بيقولوا مكنش عادي ولا طبيعي أبدًا، وعدت الليلة على خير والدنيا كانت كويسة نوعًا ما..
بس من تاني يوم بس جوزي فشل تمامًا إنه يقرب مني أو يعمل علاقة صحيحة، ورقد من يومها في السر,,ـــــير وبقا بيهلوس ودرجة حرارته سخنت أوي وبطريقة غير مفهومة، خدوه وكشفوا عليه وكتبوله على أدوية ولكنها مجبتش أي نتيجة، جابوا أكتر من شيخ ودجال عشان يعالجه بس كلهم فشلوا فشل ذريع ومحدش منهم قدر إنه يعالجه أو يعرف فين المشكلة، لحد ما بدأ حد يقولهم إن الحل مش هيكون غير على إيد الشيخ (حاتم) راجل من بلد قريبة ومعروف عنه إنه بيحل المشاكل المستعصية..
وفعلًا بعتوله وقال طبعًا رقم مبالغ فيه عشان ييجي وحمايا دفع بدون أي فصال، لحد ما حضر وبدأ يكشف عليه بالبخور ويكتب على جسمه حروف وأرقام، وبعدين طلب إنه يشوفني، طلعتله وأنا متغطية وقدام كل الناس وأهله وأهل جوزي بدأ يكشف دراعي ورجلي ويلمسني وكلهم عاملين نفسهم مش شايفين.. مع إن لو حد غيره عمل كدا هي.وه بدون ذرة تفكير، إنما الراجل كانت له رهبة وهيبة تخليهم ميبصوش في عنيه حتى، والغريب إني لقيته ابتسم ابتسامة خبيثة وهو بيبص في عنيا وطلب منهم يخرجوا كلهم وأفضل أنا وهو وجوزي اللي نايم على السر,,ـــــير بيهلوس..
بصتلهم بخوف عشان حد يعترض بس كلهم خرجوا وسابونا معاه في النهاية، وقعد على طرف السر,,ـــــير وهو باصص ناحيتي بعيون كلها خُبث وكأنه شيطان مش إنسان، ولقيته بعدها بدأ يتكلم وقالي إن جوزي عمل مشكلة كبيرة أوي وإنه بيتعاقب بسببها، وإن الحل صعب مش سهل، لكن في النهاية فيه حل، سألته بلهفة عن الحل وقالي إن الحل بإيدي أنا، والحل ببساطة أقع معاه في الحرام.. أول ما سمعت الكلمة كنت هزعق وأعلي صوتي لكن نظرته جمدت الد م في عروقي وبعدها ابتسم وقال:
ـ ماهي مش أول مرة تعمليها أيه المشكلة، فكري وردي عليا.. وخد موبايلي ورغم إنه مقفول برمز حماية فتحه بكل سهولة وكتبلي رقمه ومشي، وقعدت مكاني مرعوبة.. دخلوا وسألوني وطبعًا كدبت وقولت إنه طلب مني حاجات أعملها لجوزي ومشيوا في النهاية، وقعدت أنا بفكر في الماضي وحاسة بحزن غير طبيعي، بفكر في المصيبة اللي وقعت فيها دي، ومعرفش أيه اللي يقصده لما قال إن جوزي عمل مشكلة كبيرة، مشكلة أيه اللي يقصدها..
قعدت أدعي ربنا إنه يسترها معانا، بس أول ما الدنيا بدأت تهدى سمعت صوت في الصالة برة، رغم إني واثقة إن مفيش أي حد معانا في الشقة، خرجت أشوف فيه إيه واتفاجئت عند ركن الشقة بنمل كتير أوي، لدرجة إنه كان مغطي تلت بلاطات، وكانوا متجمعين على عقرب، أول ما شوفت شكلهم صرخت.. طلع أهل جوزي من تحت يجروا، ولما فتحتلهم كانت كل حاجة اختفت، كل حاجة بالمعنى الحرفي، حاولت أبررلهم وطبعًا خوفي ونظراتي وضحت كل حاجة، وفي النهاية أعتذرت وفضلت زي ما أنا، دخلت أنام جنب جوزي اللي كان تايه وفي دنيا تانية خالص..
والغريب ورغم خوفي نمت مش عارفة ازاي، بس كان واضح إن الليلة مش هتكمل على خير، صحيت على حركة غريبة أوي، فقت لقيت دراعي كله مكشوف وعليه نمل كتير أوي، وشوفت جوزي بيلعق النمل ده بلسانه من على دراعي بطريقة مقززة جدًا، وكان بياكل النمل ويمضغه، وأول ما حاولت أصرخ كتم نفسي وجاب شوية نمل من على السر,,ـــــير اللي كان غرقان بالنمل وحطهم في بقي، مقدرتش أتحمل لحظة كمان وفقدت الوعي خالص..
ودي بس كانت مجرد بداية، لأن النمل بقا مالي الشقة، لدرجة إنه كان بيخرج من جسم جوزي وهو نايم، وبيخرج من الحمام، ومن تحت الملايات، وبقيت بحلم بكوابيس وبشوف حاجات غريبة في البيت، لدرجة إني مسكت في مرة السكــ,,ـــــينة وكنت هتخلص من نفسي من كم الرعب اللي بيحصل معايا، لحد ما في النهاية اتصلت بالراجل، واترجيته يحل المشكلة دي بدون ما يقرب مني وهديله فلوس كتير أوي، لقيته وبكل هدوء قالي أركز مع جوزي وهو بيهلوس، هيقول اسم مكان، أرجع أقوله على المكان وكل حاجة هتتحل..
وبدون تفكير فضلت طول الليل جنب جوزي، لحد ما فعلًا بدأ يهلوس وسمعته بيقول: ـ غيط أبويا عند شجرة التوت البيضا، ورا التلت نخلات بالظبط.. فضل يقولها وسط الكلام فكلمت الراجل وقولتله، لقيته ضحك بصوت عالي وشكرني ووعدني إن كل حاجة هتتحل، وفعلًا كل حاجة اتحلت عشان تبدأ أسوأ مشكلة في الدنيا..
من تاني يوم بدأ ضــ,,ـــــرب النــ,,ـــــار ناحية العائلة بتاعتنا من عائلة تانية وناس كتير اتصابت والبلد اتقلبت، ولما جت المباحث لمت الناس كانت الفضيحة، كل حاجة اتكشفت، فاكرين لما قولتلكم فيه مشكلة حصلت كانت هتبوظ الجوازة، المشكلة دي كانت إني عملت الحرام مع ابن عمي وفقدت عذريـ ـتي والموضوع اتعرف، وكانوا هي.وني لولا إنهم قالوا بدل ما ن.هم يتجوزوا وخلاص..
وفضلت قدامهم مشكلة العذريـ ـة، لحد ما خطفوا بنت قبل الفرح بيومين وخدوا د مها يوم فرحي بالعافية واحتفلوا بيه، وبدل ما يسيبوها خافوا يتفضحوا وقتـ ـلوها ودفــ,,ـــــنوها في المكان اللي جوزي قال عليه، ومن تاني يوم جوزي تعب وبقت بتظهرله وبقا بيهلوس وكان هيتجنن رغم إنه م.هاش بنفسه..
وياريت الموضوع اتستر، ده فيه ناس عرفت بطريقة ما، ناس من عائلة بينا وبينهم مشاكل كتير أوي، فقرروا يفضحونا، بعتوا أكتر من مرسال وبعتولنا الدجال ده اللي كان تبعهم، والدجال ومن يوم دخوله قلبلي البيت كله بالنمل والرعب عشان يطلع مننا السر ده ونكشف المكان، ولما قولتله راح وقال لأهل البنت ولما حفروا لقوها فعلًا، وبدأ ضــ,,ـــــرب النــ,,ـــــار من أهلها والدنيا اتقلبت والبيوت كلها اتخربت..
علاقة آثمة وعادة قبيحة دمروا بيوت كاملة، لحظات من الشهـ ـوة قادرة تدمر سنين طويلة من حياتك في الدنيا وممكن ترميك في جهنم للأبد، أحذر من إنك حتى تحط نفسك في شبهة وفي مكان ممكن تفتتن فيه، لأن ربنا هيسخط عليك وقادر يفضحك ولو خدت كل احتياطات الحذر، ربنا يرحمنا برحمته.. بقلم/ أحمد محمود شرقاوي
