دخلت الحمام من شوية ومليت البانيو بالمية الدافية ومددت فيه عشان أفصل شوية من التفكير، وطبعًا منستش أشغل الموبايل على أغنية من أغاني الست أم كلثوم واسترخيت أكتر وأكتر، شوية وسمعت خبط جامد على باب الحمام، وطبعًا مكنتش محتاجة أعرف إن ده جوزي، وهيبدأ وصلة من الخناق والتوبيخ لأني مشغلة أغاني وكمان في الحمام.. تجاهلت الخبط لأني مش في مود يسمح بالخناق، وهو في النهاية استسلم وسابني في حالي، عليت صوت الأغاني أكتر وغمضت عيني وتوهت، توهت في ملكوت الله، لدرجة إني نعست ونمت في البانيو من كم الراحة النفسية والهدوء اللي كنت فيه..
وفي غفوتي دي شوفت واحد قصير وعجوز وشكله عامل زي الأقزام بيعرج وماشي في طريق كله ضباب، ركزت معاه وأنا مش فاهمة ده مين وماشي كدا ليه، شوية وبص ناحية اليمين وابتسم ابتسامة بشعة ومُخيفة أوي، لدرجة إني شوفت أسنان سودة متآكلة لما ابتسم.. شوفته ماشي في قلب الضلمة لحد ما دخل في حيطة، أو سطح مُعتم، وفي لحظة لقيته عدى من المراية ودخل الحمام بتاعي، وبص عليا وأنا نايمة في البانيو ومسترخية، وبدون أي مقدمات هجم عليا وخنقني بكل قوته، اتنفضت من نومي أو غفوتي دي وأنا بصرخ وقلبي بيدق بعنــ,,ـــــف شديد..
كان لسة صوت أم كلثوم شغال، قمت بسرعة وبصيت في المراية بخوف، بس مكنش فيه أي حاجة، إلا إن فيه آثار علامات خنق على رقبتي، وفيه خرابيش كمان ظاهرة أوي، لبست هدومي وخرجت بسرعة من الحمام، كنت بدور على جوزي لأني كنت خايفة أوي، بس واضح إنه خرج عشان يتحاشى الخِناق معايا..
قعدت شوية في الأوضة وأنا لسة بترعش وقلبي بيدق، شوية وسمعت صوت أم كلثوم جاي من الحمام، بصيت برعب لقيت الموبايل على السر,,ـــــير جمبي، أمال مين اللي مشغل الأغنية في الحمام، قربت من باب الحمام وأنا بترعش وبدعي ربنا يسترها، فتحت الباب وكان الصوت واضح أوي، بصيت يمين وشمال، مفيش أي مصدر للصوت، الصوت وكأنه جاي من قلب حيطان الحمام، أو بالأخص جاي من المراية بتاعة الحمام..
بصيت في المراية بتركيز وشوفته، الكائن القصير العجوز اللي شكله بشع، كان ماسك موبايلي وقاعد في مكان مهجور وشكله مُخيف أوي، وكان قاعد بيسمع أغنية أم كلثوم، ومسافة ما بصلي وشافني بدأ يردد الأغنية، يرددها بصوت خشن، مُخيف.. وفي لحظة مقدرتش أتحمل ووقعت في الحمام، مفوقتش غير على إيد جوزي وهي بتهزني بعنــ,,ـــــف وصوته متوتر وعمال يقول: ـ إيه اللي منيمك في الحمام كدة؟!
بصتله بخوف وفضلت أبكي من الخوف والتوتر اللي مسكني بعد الأحداث اللي حصلت دي كلها، ودخلت عشان أنام، وبالفعل قدرت أنام يمكن ١٠ ساعات كاملين، وكأني منمتش من أسابيع طويلة، وفي النهاية صحيت، صحيت على حاجة لزجة على وشي، قمت مخضوضة لقيت كلب عمال يمسح بلسانه على وشي، صرخت في وشه أول ما قمت لقيته طلع يجري بعيد.. وفي لحظة استوعبت إني نايمة في قلب المقابــ,,ـــــبر، والجو من حوليا ليل دامس، قمت من مكاني وبدأت أبص يمين وشمال وأنا عاوزة أخرج من مكاني بأي طريقة بس مكنتش عارفة هخرج ازاي..
وفي اللحظة دي سمعت نفس الأغنية، وصوت أم كلثوم جاي من قلب المقابــ,,ـــــبر، اتنفضت، وشعر جسمي كله وقف، وحسيت بكهربا بتجري في جسمي، شعور بشع، مُخيف، مُرعب، مشيت ناحية مصدر الصوت وأنا بدعي ربنا يكون حد يقدر يساعدني، بس لحظة، مين اللي واقف هناك ده، قدام مقبــ,,ـــــرة أمي الله يرحمها.. دي هي أمي، أمي اللي مـ ـاتت من سنين، جسمي اتنفض كتير وأنا حاسة إن قلبي هيخرج من مكانه، قربت منها وناديت: ـ ماما.. بصت ناحيتي وابتسمت، اتكلمت بلهفة وبنبرة جنونية وقولت:
ـ ماما أنتي عايشة يا ماما؟! لقتها قربت مني وفتحت دراعاتها عشان تحــ,,ـــــضني، حــ,,ـــــضنتها بكل لهفة وشوق الدنيا، وبكيت في حــ,,ـــــضنها كتير أوي، لقتها بتهمس في ودني وبتقول: ـ تعالي معايا بيتي عشان تعيشي معايا.. بصتلها بخوف وقلت: ـ فين البيت ده؟! لقتها بتشاور على مقبــ,,ـــــرتها، رجعت لورا برعب لقيتها بتتحول وجسمها بيصغر، لحد ما بقت نفس الشكل بتاع الراجل العجوز، ومن جوة القبــ,,ـــــر سمعت صوت أغنية أم كلثوم إياها، مقدرتش أتحمل أكتر من كدا وبدأت أصرخ وأصرخ بأعلى صوت، لحد ما لقيت اتنين رجالة بيجروا ناحيتي..
وقعت بين إيديهم ومنطقتش بكلمة، شالوني ورجعوني البيت، وحكوا لجوزي إنهم لقوني في المقابــ,,ـــــبر، جوزي كان هيتجنن، ازاي قمت من النوم لوحدي وروحت على المقابــ,,ـــــبر، حاول يستفهم مني بس مكنتش قادرة أنطق بنص كلمة، وفضلت أترعش يوم كامل، خايفة أنام أحسن يتكرر اللي بيحصل ده.. بس للأسف الموضوع اتكرر مرتين كمان خلال أسبوع، مسافة ما كان جوزي بيسهو عني كان بيجري يلاقيني بمشي في المقابــ,,ـــــبر زي المجنونة ومشغلة أغنية أم كلثوم على الموبايل، لحد ما بدأ الموضوع ينتشر في البلد، والناس تقول دي اتجننت، ودي اتلبست، وغيره من الكلام ده كله..
الكلام اللي وصلني إني فكرت انتــ,,ـــــحـ ـر بالفعل، بس يومها جوزني لحقني قبل ما أقطع شرايـ ـين إيدي بلحظات، وكل اللي طلبته منه إنه يطلقني عشان يرتاح مني ومن وجودي، بس الغريب إنه اتمسك بيا أكتر، الراجل اللي طول الوقت بيتخانق معايا ومش طايقني دلوقتي متمسك بيا، لحد ما روحنا لشيخ من المشايخ بس للأسف طلع دجال..
طلب مني أكتب كلمات على جسمي وأنا في الحمام، وأقف قدام المراية أنطق بكلمات غريبة، وجوزي أول ما عرف الكلام ده رفض ومشينا من عنده فورًا، وروحنا لواحد تاني بس كان شكله مريح نفسيًا، وكان بيعالج بالقرآن، بدأت أحكيله كل حاجة لعل وعسى يساعدنا..
قولتله إني بعشــ,,ـــــق الأغاني، وخاصةً الأغاني القديمة، وده كان سبب لأكبر خلاف بيني وبين جوزي مع عدم صلاتي طبعًا، وكان تقريبًا كل يوم بنتخانق لأني مهملة صلاتي وبسمع أغاني، لحد ما من كتر إدماني بقيت بشغل أغاني أم كلثوم وأنا بستحمى في البانيو، وبدأت تحصل أحداث غريبة من يومها، ولو اللي أنا فيه ده بسبب إني شغلت الأغاني في الحمام فأنا مش هعمل كدا تاني.. ابتسم وقتها وقال:
ـ يا بنتي إنتي لو مش هتسمعي أغاني تاني يبقا عشان ربك حرم ده، مش عشان بتتأذي من الجن، الأغاني ما هي إلا لهو، بيأثر على قلب الإنسان بالباطل ويشغله عن الطاعات، وبيملى قلبه بحُب المعصية وطريق الشهوات، الأغاني حرام لأنها بتشغل الإنسان عن الطاعة وسماع القرآن، وعشان هي حرام فخلت شِرار الجن يتملكوا من جسمك، وخاصةً الجِن الكافر اللي بيسكن الحمامات، وقدر إنه يتمكن منك تمكن كامل، وللأسف النوعية دي من المس بتوصل للمــ,,ـــــوت أو الجنون..
ـ أنا إن شاء الله هعالجك، هعالج بكتاب الله، بالقرآن اللي المفترض يبقا مالي قلبك، بس أنتي للأسف خليتي مكانه أغاني ولهو وموسيقى، وجوزك اللي كان بينصحك ليل نهار ده مسؤول عنك وهيحاسب عنك، ومن حقه ينصحك ويقومك ويوجهك للصلاة وترك المحرمات، لازم تنوي التوبة يا بنتي لوجه الله عشان نقدر نبدأ كورس العلاج مع بعض..
ومن يومها نويت أتوب عن سماع الأغاني وترك الصلاة، التزمت إلتزام كامل، رغم إني عانيت بس قدرت أتعالج بفضل الله، وبدلت سماع الأغاني بالقرآن والأناشيد الدينية، وعلى العكس تمامًا، بقيت بحب الصلاة والطاعات وبقرب منهم، علاقتي اتحسنت بجوزي كتير أوي وبقا أحن إنسان عليا في الدنيا، وكأن الأغاني كانت الشيطان اللي في حياتي مش الراجل العجوز، ولما اتخلصت منها حياتي كلها اتغيرت للأبد.. لَيَكونَنَّ مِن أُمَّتي أقْوامٌ يَسْتَحِلُّونَ الحِرَ والحَرِيرَ، والخَمْرَ والمَعازِفَ) صحيح البخاري بقلم/ أحمد محمود شرقاوي
