ورجعت البيت ومقدرتش أعمل حاجة غير إني أنام، وعلى بالليل سمعت نفس صوت الرضاعة والشفط، فتحت عيني وأنا مرعوب لقتهم ماسـ .ـكين بسنانهم في كعب رجلي وبيشفطوا، وكل قطة ماسكة كعب، وقدام عيني المذهولة كعب رجلي كان بيتمدد وكأنه مكان مهيئ للرضاعة زي الثـ ـدي بالظبط.. كنت حاسس بقوة الشفط وجسمي زي المهدود، المتخدر، وفضلوا طول الليل على الوضع ده، تاني يوم أمي كانت بتصرخ وهي شايفة وشي أصفر وبهلوس، خدوني على المستشفى واتقال إن عندي أنيميا ونقص شديد في الدم، حطوني في الرعاية وعلقولي أكياس دم..
وأنا تحت الأجهزة كنت شايفهم، نفس القطط، رجلي متغطية محدش شايف إن بيتشفط منها دم كتير أوي، وكل ما يتعلق كيس دم ويقيسوا نسبة الأنيميا يلاقوها بتزيد مش بتقل، كانت فيه حالة ذهول، شايفين إن الدم بيدخل جسمي بس بينقص برضه.. والقطط لمدة تلت ليالي شفط من جسمي، دم، دم، دم، لحد ما بدأ شبـ .ـح المـ .ـوت يحلق على جسمي، ووقعت في غيبوبة وكان بيني وبين المـ .ـوت لحظات، وقتها اتكلمت، قولت لأخويا إني عايز شيخ، ولما المستشفى خرجتني لأن ماليش علاج عندهم أخويا استجاب..
وجالي الشيخ اللي أول ما شافني وشه اتغير تمامًا، ونظرته بقت غريبة، قرأ عليا كتير لحد ما فوقت شوية، ولقتني بحكيله كل حاجة بالتفصيل، استعاذ بالله من الشيطان الرجيم وقالي إن يوم السمك لما كنت بضـ .ـرب بالعصاية ضـ .ـربت حد من الجـ . ـن، في الغالب طفل، يمكن يكون اتصاب أو مـ . ـات، وهما عشان ينتقموا منك ويتمكنوا منك اتجسدت أمه وأنت كنت بتشتهي ده من الأساس، ولما عملت معاها الفاحشة تمكنت منك هي وولادها، ولو رفضت مكانتش تملكت منك أبدًا..
وفي الأغلب الجـ . ـن ده خبيث، خلت ولادها يتمكنوا منك ويتغذوا عليك، ومش بس كدا، دي حملت منك ولما تخلف هتخلي الولاد التانيين يتغذوا على الباقي منك عشان تعوض إصابة أو مـ .ـوت ابنها، وهيفضلوا يتغذوا على دمك لحد ما تمـ .ـوت وتبقا حققت انتقامها..
أنا هتعب في علاجك جدًا جدًا لسببين، السبب الأول إنك بتصطاد بطريقة غلط وتأذي كائنات الله فربنا ابتلاك وضـ .ـربت طفل من الجـ ـن، السبب التاني إنك ليل نهار بتشتهي الحرام، وده كسر حاجز الإيمان جواك، عشان كدا أول ما اتيح لك عملته وأنت مش عارف اللي قدامك دي مين، النفس البشرية لما تفضل تشتهي حاجة كتير بيبقا سهل أوي تتحقق، وأنت اشتهيت الزنـ ـا، اشتهيت نـ .ـار جهنم وسـ .خط ربنا عليك..
رغم إنك متستحقش بس أنا هعالجك وهي إن شاء الله هتبعد عنك، بس إياك ثم إياك تشتهي الحرام وتكره الحلال، طالما ربنا أحل الزواج تبقا تتجوز، وطالما حرم الزنـ ـا يبقا إياك حتى تفكر فيه، طالما رسولنا أمرنا بالزواج يبقا تتجوز في اول فرصة.. [وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ] سورة الروم بقلم/ أحمد محمود شرقاوي
