وروحنا في منطقة راقية تانية، وبدأت أختي تعرض تصاميم اللبس على الستات، وكان عندها قبول غريب، وشوية وبدأت تعرضني عليهم وشوفت نظرات الإعجاب من تاني، طيب هي متجوزة، اتقال إنها متخطبتش أصلًا، وكانت أختي دافعة فلوس عشان متسجلش متجوزة.. وفعلًا طلبتني واحدة ست لابنها، واتخـ,ـطبنا، واشترطنا عليهم مبالغ كبيرة ووافقت برضه، وبدأت أختي تأمرني أمر إني أطلب منه موبايل، وهدايا، وفلوس اشتراكات كبيرة أوي، وكأنه بنك وأنا مطالب مني استنزفه استنزاف كامل، شوية وحددنا ميعاد كتب الكتاب وكتبنا مؤخر كبير أوي..
ودخلت مع عريسي لعش الزوجية، ومسافة ما شاف جسـ,ـمي بدأ يتوتر، ويتشنج، وتظهر عليه تغيرات غريبة أوي، وفشل فشل تام في إنه يقرب مني إطـ,ـلاقًا، وأختي بهدلته، طالما أنت مـ,ـريض بتتجوز ليه، وهددته بالفضيحة وسط الأوساط بتاعتهم لأنها تعرف كل قرايبه، أو يطلق في صمت ويدفع، وفعلًا طـ,ـلقني ودفع مبلغ كبير، وبعنا الشقة واخـ,ـتفينا من المنطقة تمامًا..
وبدأت أختي تكرر نفس الموضوع للمرة التالتة، بعد ما بقا عندنا حساب في البنك، وشقة كويسة، وفلوس نعيش منها عيشة مرتاحة، وبدأت أختي تصمم لبس جديد، وتدور بيه على الستات الأغنياء في أماكن مخـ,ـتلفة، شوية ولما كسبت ثقتهم بدأت تكشفني قدامهم، أنا أختها اللي متجوزتش إطـ,ـلاقًا، وشوفت من تاني نظرات الانبهار والسعادة الحقيقية، وبدأت واحدة تقرب مني عشان تطلبني لأخوها، وكانت الشروط إياها، مؤخر ضخم ومتطلبات كبيرة، وكل حاجة الناس وافقوا عليها..
واتخطبنا وبدأت رحلة استنزافه من خلال أختي، موبايلات وهدايا وفلوس وهو كان سخي أوي معايا، وكانت كل طلباتي مُجابة حرفيًا، وكتبنا الكتاب وجت ليلة الدخلة، ودخلنا بالفعل وأنا متوقعة إن كل حاجة هتحصل زي ما حصلت قبل كدا، بس الغريب إن جوزي دخل عليا بكل هدوء وسـ,ـلاسة، وتاني يوم لما جت أختي ولقته مبسوط استغربت، ومبقتش عارفة هو ازاي دخل عليا، ولما سألتني بتوتر إن هل هو عمل كدا فعلًا قولتلها أيوة ده حصل..
وبدأ يظهر عليها توتر كبير أوي، وعدت الأيام يوم بعد يوم والدنيا ماشية ما بينا كويس أوي، ولقيت أختي بتطلب مني أحمل في أسرع وقت ممكن، بس الغريب إني حاولت مرة واتنين وعشرة بس مكنش فيه حمل بيحصل إطـ,ـلاقًا، فضلنا على الحال ده يمكن سنة كاملة، وأختي حاسة إنها هتتـ,ـجنن.. لحد ما راحت أختي في مرة للبنك لقت حسابنا متصفر، رجعت زي المجـ,ـنونة لقت جوزي في الشقة ومعاه أم واحد من اللي اتجوزتهم قبل كدا، وكانوا بيضحكوا وشمتانين فيها، جوزي قدر ياخد كل الفلوس من حسابنا، ويسـ,ـرق القايمة وقسيمة الجواز، وياخد كمان شقتنا اللي قاعدين فيها ببساطة رجعنا لنقطة الصفر..
وعرفنا إنه لما خطبني قريبته اللي هي الست أم واحد من اللي اتجوزتهم، شافتني، واستخبت فورًا وحكتله كل حاجة، وفهم اللعبة، أختي كانت بتتعامل مع دجالة، بتخلي الناس يحبوها ويثـ,ـقوا فيها أوي ويوافقوا على أي حاجة تتشرط بيها.. وكانت بتخليهم يحبوني أنا كمان، وليلة الدخلة كانت تربط العريس، وترسم طلاسم وتعمل وشم مُخيف على جـ,ـسمي، ولما العريس يجي يدخل عليا يتخض من شكل الطلاسم وكمان يبقا مربوط، ولما يقول أنا شوفتها بالشكل الفلاني كنا بنمسح الرسومات دي ويبان إن هو اللي مجـ,ـنون، ونهدده وناخد فلوسه..
أختي مكنتش بتثق في أي راجل من بعد عملة أبويا، لحد ما وقعنا في الأخير، وعرف إننا نصابين، واتعامل مع دجالة فكتله ربط ليلة الدخلة، وتجاهل تمامًا شكل الرسومات المُخيفة كأنه مش شايفها ودخل عليا، ومثل علينا إن كل حاجة تمام لحد ما قدر يرجعنا شحاتين، ورمونا رمية الكلاب وطلـ,ـقني.. وكأنها رسالة لكل واحد اتظلم ومصبرش لوجه الله وقرر يظلم هو كمان، الدنيا ممكن تتعب المظلوم شوية، بس حتمًا ولا بد هتدمر الظالم تمامًا، فإياك تتظلم فترد الظلم لشخص مظلمكش من الأساس، لأن وقتها هتتساوى مع الظالم وهتدوق المُر..
بقلم/ أحمد محمود شرقاوي
