كل فترة بنلاقي أكتر من شخص غريب بينزل البلد عندنا ويفضل يدور في صناديق الزبـ,ـالة وياخد منها حاجات معينة، والحقيقة إن الموضوع ده كان غريب على بلدنا لأن معندناش حد بيعمل كدا أو الناس مش هتسيب حد ياكل من الزبـ,ـالة، لكن دول كانوا أغراب ومحدش كان عارف هما بيعملوا كدا ليه، وللأسف عرفت بعد تجربة غريبة جدًا مريت بيها في حياتي..
في الفترة دي حصلت مشكلة بين جوزي وبين واحد جارنا بسبب موضوع ركنة العربية، والمشكلة كبرت ومسكوا في بعض والناس صالحوهم واعتقدنا إن الموضوع بقا تمام وإن الأمور بقت كويسة، لكن واضح إن مراته (فاتن) كانت سِت شرانية وقررت إنها تنتقم لجوزها لأسباب كتير.. يمكن كانت بتحقد علينا وعلى بناتي لأنهم متفوقين، ويمكن لأن مستوانا كويس وعمرنا ما عملنا مشاكل، في حين إنها كل يوم خـ,ـناقة هي وجوزها، ويمكن فعلًا شافت إن جوزها مخدش حقه بالطريقة الكافية فقررت إنها تدخل بنفسها، وبدأ الموضوع لما صحيت الصبح ولقيت كيس زبـ,ـالة قدام بيتي فيه ورق متقـ,ـطع وكراتين..
قولت في عقل بالي يمكن عيل صغير ولا حاجة ومهتمتش، لكن الموضوع اتكرر مرتين وتلاتة وخمسة، لحد ما بقا مؤذي بصورة غير طبيعية، ولما فتشنا وحاولنا نعرف مين اللي بيعمل كدا، عرفنا إنها (فاتن) ولما اشتكينا لجوزها حسينا إنه فرحان وقال إننا بنتبلى عليها ومقدمش أي حلول، لحد ما اضطريت أًصحى بدري وأراقب من البلكونة وأشوف مين اللي بيعمل كدا، وقدام عيني لمحت بنتها الصغيرة هي اللي بتقرب من بيتي وبتتلفت يمين وشمال لحد ما حطت الشنطة ومشيت..
طبعًا ناديت عليها وهزقتها، ونزلت وأنا ثايرة من الغضب، ناديت على أمها وشهدت عليها الناس، وطبعًا الناس وقفوا معايا وهزقوها وخلوا شكلها وحش أوي، ومن غضبها مسكت فيا ولولا إني هربت من قدامها كانت عملت فيا حاجة، جوزي رجع وكلمنا الناس لكن كان واضح إن محدش بيحكم عليهم والكل بيتحاشى إنه يتعامل معاهم حتى.. ومن جوايا اتأكدت إن الست دي مش هتسكت، بالعكس دي هتزود شرها أكتر وأكتر، لحد ما جه يوم وكنت براقب كالعادة وجت بنتها وحطت كيس الزبالة، وقبل ما أنادي وأزعق فيها حسيت إن فيه حاجة أجبرتني أسكت، أو يمكن المشهد الغريب اللي شوفته..
كان راجل غريب من اللي بيلفوا على صناديق الزبـ,ـالة، قرب من الشنطة وفتحها وطلع منها فوطة صحية، شم فيها بطريقة مقززة وقام خد شنطة الزبالة كلها ومشي من المكان كله.. معرفش ليه فضلت خايفة ومرعوبة من اللي شوفته وجسمي كله متخدر، كأني كنت ببص لشيـ,ـطان مش لإنسان طبيعي، والغريب إن من تاني يوم الست بطلت تحط زبالة قدام بيتي، وكأنها خلاص قررت تسيبني في حالي، لكن اللي معرفوش إن كانت فيه مشكلة أكبر بتحصل في بيتها يوم بعد يوم..
بنت فاتن كانت حالتها بتتغير كل يوم للأسـ,ـوأ، بدأت تشتكي من تعب في جسمها وراحت للطوارئ أكتر من مرة وقالوا عندها التهـ,ـابات شديدة، وبعدين بقينا بنسمع البنت بتصرخ من الألم من بيتها والجيران أوقات كتير كانوا بيتجمعوا عند البيت عشان يعرفوا إيه اللي حصل ويساعدوهم، لحد ما البنت بقت بتجيلها حالات صـ,ـرع كتير وبقت بتخرج تجري من البيت وأمها تجري وراها وتحاول تمسكها..
البنت كانت بتعمل أعمال غريبة، مرة تقطع شعرها، مرة تحاول تنزع هدومها من عليها قدام الناس، مرة تضـ,ـرب أمها وتبهدلها، الموضوع ده استمر شهر لدرجة إن يوميًا بقا الصراخ مبيقفش من بيت الناس دول، لحد ما جوزي من نفسه قرر يجيب شيخ قريبنا يشوف البنت.. ولما روحنالهم المرة دي استقبلونا أحسن استقبال وفاتن كانت عايزة تبوس رجلي عشان أسامحها وأساعدها لأنها خلاص بتمـ,ـوت، وقفت جنبها لوجه الله والشيخ فضل معاهم أسبوع كامل لما عرف إن البنت ممسـ,ـوسة من الجن وقدر يعالجها في النهاية..
كل ده ومحدش كان عارف إيه اللي حصل، لحد ما كنا قاعدين مع الشيخ وبنتكلم ومعرفش ليه افتكرت المشهد اللي شوفته وحكيته قدامه، لقيته وشه اتغير وقالي كلام غريب أوي..
قالي إن دول بيكونوا أعوان السحرة الملـ,ـعونين، بيلفوا في أماكن كتير ويدوروا على حاجات غير طاهرة عشان يستخدموها في الأعمال، أو أي حاجة فيها دـ,ـ م، وغالبًا لما خد من الكيس الفوطة الصحية للبنت اتعمل بيها سِحر، وأوقات خادم السِحر بيروح يأذي صاحب الد م نفسه لأنه بيكون متمكن بفِعل السِحر ده، وواضح إن الست كانت بتأذيكم فربنا سلط عليها نفسها، رمت بالغلط فوطة صحية لبنتها عليها د م العادة، ويصادف إن واحد منهم كان موجود وتقع الفوطة في إيد ساحر..
للأسف لما سمعت كدا مفرحتش، زعلت على البنت وأمها ودعيت لهم بالهداية، الناس فاكرة لما تأذي غيرها إنها كدا فعلًا بتأذي غيرها، متعرفش إنها بتأذي نفسها وبتدمـ,ـر حياتها، ربنا اسمه العدل، استحالة تأذي إنسان والأمور تعدي عادي، لازم ولابد تدوق من الكأس وزيادة، ويا ويلك لو اللي ظلمته وأذيته مسامحش في الدنيا وقتها هتتحاسب في الآخرة، وحساب الآخرة عسير.. [وَلَا يَحِيقُ الْمَكْرُ السَّيِّئُ إِلَّا بِأَهْلِهِ] سورة فاطر بقلم/ أحمد محمود شرقاوي
