بعد طلاقي أدمنت إني أجيب ستات الشقة بتاعتي، بل وإني تفننت في اختيار كل بنت تجيلي شقتي، بس بعد ما رديت طليقتي بقا صعب جدًا أعرف أجيب بنت لشقتي، واتعرفت وقتها على بنت في ديسكو اسمها شيرين، وكنت همــ,,ـــــوت وأختلي بيها في مكان لوحدنا.. وكانت الفكرة الجهنمية لما كنت بزور أختي وبالصدفة لقيت مفتاح متعلق في المكتبة، ولما سألتها ده مفتاح مين قالتلي إنه مفتاح الشقة اللي قصادهم بتاعة أستاذ عفيفي، وإنه مسافر بقاله فترة طويلة وسايب المفتاح لينا عشان لو لا قدر الله حصلت أي حاجة واحتجنا ندخل الشقة، لأنه كان بيثق في جوزي الله يرحمه..
والفكرة اكتملت في دماغي، طلعت نسخة على المفتاح من غير ما أختي تعرف، وفي الليلة دي وصلت العمارة أنا وشيرين، نزلت شيرين بعيد وناديت على البواب عشان يساعدني وأنا بطلع الشنط من العربية، في اللحظة دي دخلت شيرين من العمارة على الأسانسير، وبعدها دخلت وراها مع البواب اللي محسش بأي حاجة..
طلعت الدور خلتها تدخل الشقة ودخلت أنا لأختي الأول عشان طبعًا هي سمعت صوت الأسانسير بيقف في الدور بتاعها، بعدها دخلت شقة عفيفي أنا وشيرين، وبعد ليلة من الفاحشة صحيت لقيتها بتسرقني، ولما واجهتها لقيتها بتهددني إني لو مسبتهاش تمشي هتصرخ وتسمع أختي اللي في الشقة اللي جنبي إني بتاع ستات، غصب عني مسكت الخنجر بتاعي واللي دايمًا معايا ومحستش بنفسي غير وأنا ب.ها بعد معافرة عنيفة وخربشة منها في جسمي..
كانت كارثة، بس حاولت أحلها بهدوء، السر,,ـــــير اللي جوه مقفول من كل النواحي، يعني لو حطيت الجــ,,ـــــثه تحتيه وحطيت عليه السوست والمرتبة مش هتطلع ريحة ولا حد هياخد باله، وعقبال ما صاحب الشقة يجي بعد عمر طويل هيكون الموضوع انتهى ومحدش هيعرف حاجة، أو أروح أنا أسرق العضم وأخفيه بس أكون هديت شوية، لأني حاليًا متوتر مش هعرف أعمل حاجة..
مسحت الدم وحطيتها تحت السر,,ـــــير المقفول بعد ما لفتها في ملاية السر,,ـــــير، وكل حاجة مشيت تمام، بس أختي اتصلت بيا وقالتلي إن فيه حد بيرن عليها الجرس، وأنا بصراحة روحت عشان أطمن أكتر إن مفيش حاجة اتكشفت وكل حاجة تمام، بس للأسف الموضوع اتطور والناس اكتشفت الجــ,,ـــــثه واتعرفت، ووقعت للأسف الشديد تحت إيد العدالة.. [وَالَّذِينَ لَا يَدْعُونَ مَعَ اللَّهِ إِلَٰهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَن يَفْعَلْ ذَٰلِكَ يَلْقَ أَثَامًا يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا] سورة الفرقان
بقلم/ أحمد محمود شرقاوي
