ابني الصغير من يوم ما اتولد وبالأخص من يوم السبوع بتاعه وهو بيتعامل معانا وكأنه حيوان مش طفل من البشر، وبالأخص بيتعامل كأنه كلب مسعور، بيمشي على أربعة وبيعض ويزوم زي الكلاب بالظبط، وكأن فيه لعنة، لعنة مسكت فيه وفيا، لعنة حصلت يوم السبوع، ولحد انهاردة مش قادرة أتخلص منها إطلاقًا..
من شوية قمت عشان أشرب وكانت الساعة واحدة بعد نص الليل، ومسافة ما دخلت المطبخ سمعت صوت غريب جاي من قلب الضلمة، صوت شبيه بالمضغ، فتحت النور وأنا جسمي كله مقشعر عشان أشوف ابني اللي عنده أربع سنين قاعد زي الحيوان وبيمضغ حتة لحمة نية جنب التلاجة، المشهد كان بشع، مُخيف، خاصةً بعنيه الجاحظة وآثار اللحم الني على شفايفه.. قربت منه بهدوء فبدأ يزوم ويتحفز عشان يعضني، طبطبت على راسه فبدأ يهدى شوية وشلته رجعته للسر,,ـــــير بتاعه، وقعدت في الصالة جسمي كله متوتر، دموعي بتنزل من عيني في صمت معاها ذكريات، ذكريات بتمنى لو تتمحي من ذاكرتي للأبد..
لما اتجوزت كنت طايرة من الفرح لأني خدت الإنسان اللي محبتش في حياتي أده، ممكن تقول كنت بحبه أكتر من نفسي ومن الدنيا كلها، وعشت معاه شهور وكأني في الجنة، بس الحال بدأ يتبدل من بعد حملي بست شهور، لما تعبت تعب شديد وفي المستشفى حصل إجهاض، وشوفت قدام عنيا طفلي وهو نازل ميت، عبارة عن طفل أسود وكأنه متفحم، لدرجة إن الممرضة أصابتها نوبة صرع من المشهد المُخيف ده..
ورجعت بيتي مكسورة، حزينة، مقهورة، ووقف جنبي جوزي ووعدني إننا هنحاول وهنخلف من تاني بأمر الله، وكلها شهرين وحملت مرة تانية، وخدنا كل الاحتياطات عشان ميتكررش موضوع الإجهاض ده، وعدت الشهور لحد ما وصلت للشهر السادس، وجت الليلة الأسوأ لما دخلت الحمام واتفاجئت بدم، دم نازل مع البول بغزارة، وبدأت نوبة صراخ استمرت لأربع ساعات، لحد ما شوفت طفل بشع، أسود، طفل نازل ميت، وحصل الإجهاض للمرة التانية للأسف، ومن بعدها بدأت القسوة من جوزي وأهله، وبقيت بتعامل على إني مسخ، مسخ قذر، حيوان..
وكان لازم أتحرك، وألحق نفسي وحياتي وحبيبي اللي شوفت في عنيه نظرة قسوة، نظرة معناها إني لو أجهضت للمرة التالتة فهو هيرميني بدون أي شفقة، كلمت أختي عبير وكان لازم نلاقي حل، وبعد تفكير طويل قررنا نزور دجال مشهور، يعمل أي عمل يحفظ الجنين، خاصةً إني حملت للمرة التالتة..
وبالفعل زورناه وحكيناله الحكاية كاملة، الحكاية اللي مش قادرة أحكيها حتى لنفسي، واللي مش عارفة هحكيها في النهاية ولا لا، خاصةً لكاتب الرعب الشهير أحمد محمود شرقاوي اللي صفحته بقت أشهر صفحة رعب على الفيس بوك، وفعلًا زورنا الدجال ده وبدأ يرسم طلاسم على بطني بقلم فحم، وطلب مني ملمسش المية لمدة ٤٠ يوم مع الاستمرار في تلاوة كلمات غريبة كل يوم الصبح وبالليل..
واستمر الحمل المرة دي، وقلبي كان بيخرج من مكانه كل ما كان بيجيلي مغص ظنًا إنه ممكن يكون بداية الإجهاض، بس الحمل كمل، ودخلت المستشفى وولدت طفل زي القمر، وسميته خالد عشان ينال من اسمه نصيب ويعيش فترة طويلة ويعوضني عن الحِرمان الطويل اللي عشته ده..
وكلها أيام وعملنا سبوع كبير أوي، وكنا في قمة البهجة والسعادة، واستمر السبوع يمكن 6 ساعات كاملين، الناس بياكلوا ويشربوا والأغاني شغالة والمكان كله بهجة وسعادة، لحد ما دخلت، واحدة ست عجوزة مخبية وشها كويس وشايلة كلب صغير، كانت مُلفتة للعيون أوي، قربت من ابني الصغير وحطت إيدها على راسه وبدأت تهمهم، معرفش ليه حسيت بقلق وتوتر شديد، وقبل ما أسأل عن هويتها كانت شالت الكلب بتاعها ومشيت من المكان.. مفيش لحظات لقيت أختي عبير داخلة من باب الشقة ووشها أصفر أوي، ولما سألتها عن سبب حالتها دي قالت:
ـ مين جاب نرجس العرافة هنا؟! جسمي كله اتنفض وقولت: ـ وإيه اللي هيجبها هنا؟! ـ أنا شوفتها خارجة وشايلة كلب، وملامحها كانت ظاهرة..
ولطمت، لطمت لما عرفت إن اللي كانت متلثمة ولمست ابني دي تبقا نرجس، نرجس العرافة، ومن يومها وبدأ ابني يتعامل وكأنه كلب، يخرج أصوات عاملة زي أصوات الحيوانات، ولما كان بيرضع كان بيرضع بقسوة لدرجة إنه كان وكأنه عايز يقطع في جسمي، ولما كبر شوية بدأ يمشي على أربع ورفض تمامًا يمشي على اتنين، لحد ما أبوه اتقهر واتهمني إني ست ملعونة، وإني يا إما بجهض أو بخلف مسوخ، وقرر يفارقني للأبد، وسابني مع طفل غريب، عامل زي الوحش..
لحد ما فوجئت بابني انهاردة بياكل اللحمة نية، وبطريقة بشعة ومُخيفة، ومبقتش عارفة اللعنة دي هتفارقني إمتا وازاي، ومن القهر والحُزن اللي أنا فيه نمت مكاني، نمت زي المتخدرة، ومفيش ساعتين وقمت على صوت نباح، زي نباح الكلاب بالظبط.. قمت اتنفضت لقيت ابني بيزوم ناحيتي بغضب شديد، وقبل ما أتحرك كان غرز سنانه في فخدي بكل قسوة، وصرخت، صرخت لما لقيت الدم بينزل من مكان العضة، معرفش إمتا أسنانه طلعت بالسرعة دي، وعشان أتحرر منه مسكت الدورق بتاع المية وكسرته على دماغه، وفعلًا سابني وجري على الأوضة بتاعته..
ومن مكان العضة شوفت مشهد بشع، زرقان، زرقان مُخيف ودم أسود عمال ينزل، وألم بشع خلاني أدوخ من قوته، كتمت الدم بالعافية وروحت على عيادة جمبنا غيرت على الجرح، ورجعت البيت وأنا خلاص، فقدت الأمل والقدرة على الحياة، لدرجة إن الانتــ,,ـــــحـ ـار كان بالنسبالي هو الحل الأمثل، أو أكلمها للمرة الأخيرة يمكن ألاقي حل معاها.. وبدون وعي اتحركت، وروحت على بيت نرجس العرافة، وأول ما شافتني لقتها ابتسمت ابتسامة خبيثة، مُرعبة، قولتلها بكل خضوع إني موافقة على شروطها، وهديها نص ثروتي من الوِرث، وقتها ابتسمت أكتر وقالت:
ـ الكلام ده كان زمان، إنما دلوقتي أنا عايزة الوِرث كله، ولو منفذتيش خلال أسبوع هوريكي حاجات المــ,,ـــــوت أهون من رؤيتها.. وكنت عارفة إنها صادقة، صادقة أوي، وتقدر تعمل كل اللي بتقول عليه، وبدون وعي اتحركت ناحية البنك، وسحبت كل الفلوس اللي معايا، كلها بلا استثناء، وروحت على نرجس وأدتلها الفلوس، وطلبت منها تسبني في حالي وتعالج ابني وترجعلي جوزي، وخدت مني الفلوس ووعدتني إنها هتحاول، مجرد محاولة ليس إلا..
ورجعت على شقتي عشان أشوف أسوأ مشهد ممكن أشوفه في حياتي، شوفت شقتي بتولع والمطافي بتحاول تطفيها، وبعد لحظات من الجنون طفت النــ,,ـــــار وخرجو ابني من جوه عبارة عن قطعة من الفحم، آخر ما تبقى ليا من شقة وطفل راحوا، وطليقي لما عرف خد شقته المحروقة ورماني في الشارع، مانا خلاص مبقتش حاضنة.. ووسط كل ده وقبل ما أنهي حياتي لقيت مكالمة، مكالمة أخيرة من واحدة بتطمن عليا، مكالمة من زهرة مرات أبويا، زهرة اللي كانت سبب في كل ده، وغصب عني افتكرت كل حاجة ومن البداية..
أبويا بعد وفــ,,ـــــاه أمي اتجوز بنت شابة من عمري أنا وعبير أختي، وبعدها جتله جلطة وكنا عارفين إنه هيمــ,,ـــــوت قريب، بس ساب مراته زهرة حامل، وعرفنا إن فيه طفل جاي هيشاركنا في ورث كبير، وده خلى النــ,,ـــــار تولع في قلبي أنا وأختي عبير، وبدأت أشجع عبير إننا نحاول نعمل أي حاجة عشان نمــ,,ـــــوت الطفل ده، عبير رفضت مرة واتنين بس أنا كُنت مُصرة..
بالفعل روحنا لنرجس العرافة، وقولنالها إننا عاوزين نجهض زهرة مرات أبونا، وقتها ضحكت وقالت إن الموضوع أبسط من كدا بكتير، واحدة مننا تروح تقعد معاها أسبوعين بحِجة إنها هترعى أبوها المريض ومراته الحامل، وتديها أدوية إجهاض في وسط الأدوية بتاعتها، وكلها أسبوعين وهتجهض.. وطلبت مننا نرجس لما ده يحصل نرجعلها عشان تاخد حلاوة الفِكرة دي، وفعلًا روحت أنا، وحطتلها أدوية إجهاض لحد ما تعبت في يوم وأجهضت، وأبويا مكملش بعدها ومات، وزورنا ورقة طلاق وامتلكنا أنا وأختي كل حاجة بحِجة إن أبويا هو اللي كان مطلقها قبل مــ,,ـــــوته بدون عِلمها، وكل واحدة مننا طلعلها يجي مليون جنيه وِرث..
وقتها ظهرت نرجس العرافة، وطلبت مننا تاخد ثلث الوِرث، لأنها بفكرتها وفرت كتير أوي، لأن أخويا لو كان اتولد كان ورث قدي مرتين، بس طبعًا رفضنا، وشوفت يومها في عنيها نظرة غريبة، غريبة أوي.. أجهضتني مرة واتنين، وكانت بتعترف من خلال الرسايل إنها السبب، ومش هتسبني أعيش إلا لما أديها الفلوس، بس أنا مكنتش قادرة أضحي بكل ده، وقررت مع الحمل التالت أستعين بعراف أو دجال، وفعلًا الحمل كمل، وهي لما عرفت جت يوم السبوع وسحرت ابني، يقال إنها بدلت الجسد الأثيري بتاعه بالجسد الأثيري بتاع الكلب، نوع سحر خبيث بيطمس قدرات الطفل البشرية وبيخليه يعيش كأنه حيوان..
وبعد ما دوقت المرار أدتها كل فلوسي، مليون جنيه كاملين عشان تسبني في حالي، وهي وعدتني ترجع ابني، بس رجعته ميت لما حــ,,ـــــر.ي الشقة، ورجعتلي جوزي عشان ياخد الشقة مش عشان يردني، وبعد كل ده عرفت إن أختي من أول يوم خافت وأدتها المبلغ عشان تتقي شرها، بس مقالتليش الكلام ده بناء على طلب نرجس، عشان توريني الويل..
وبعد كل ده زهرة مرات أبويا هي الوحيدة اللي بتطمن عليا لما عرفت بموضوع الحــ,,ـــــريق، رغم كل اللي عملته فيها، أجهضتها، وطلعتها بدون ورث، قعدت يومها على رصيف الشارع فاقدة النُطق، وكل اللي بيتردد في ذهني كلام ربنا سبحانه وتعالى [وَقَدْ خَابَ مَنْ حَمَلَ ظُلْمًا] سورة طه واتأكد، اتأكد إنك لو هتاكل مال الناس، وهتظلــ,,ـــــم، وهت.، وهتشهد زور، وهتعمل أي حاجة في حد، هيتردلك كل ده وبزيادة، وهتدوق مرار مدقتوش في حياتك، ولسة نــ,,ـــــار الآخرة اللي هتبلع الظالمين..
بقلم/ أحمد محمود شرقاوي
