واكتشفت كدبتها لأن الرجالة مبتحبش الكلام ده، حتى لما خدت رأيه في الميكب إللي كلفه ٨ آلاف ملقتش أي رد منه، وعدى تلت أيام من الجواز لحد ما لقيت اتصال من البنت الميكاب أرتيست، سألتني عن التاتو وهل كان كويس ولا لا، قولتلها كان جميل عشان مكـ,ـترش في الكلام، لقتها بتقولي يبقا زي ما اتفقنا بقا ابعتيلي تمن التاتو، استغربت جدًا وقولتلها أنتي قولتي بسعر رمزي، لقتها بتقولي محصلش وإننا أجلنا سعره لحد ما اتجوز ويعجبني، ولما قلقت من طريقة كلامها وبجاحتها قولتلها سعره كام، قالتلي ٨ آلاف جنيه كمان..
اتخـ,ـانقت معاها وزعـ,ـقت وجوزي جه على الصوت وقولتله دي واحدة صاحبتي وقفلت معاها، لقتها بعتالي رسالة على الواتساب بصور وهي بتعمل التاتو، وكان فيه صور وشي ظاهر فيها، وقالتلي أدفع التمن أو اسمحلهم يعلموا البنات في الكورسات بالصور دي، يعني أبقا مادة تعليمية بجـ,ـسمي المكشوف ده، اتصدمت من كلامها لقتها بتقولي إن فيه حل تالت، وهي إن الصور تروح لعريسي وأبقا أدخل موسوعة جينيس لأسرع عروسة تطلق في المنطقة..
اتحايلت عليها قالتلي إن دول التلت حلول، ٨ آلاف جنيه، أو أسمح إن الصور يتشرح عليها للطلبة بتوع كورس التاتو وأمضي عقد بكـ,ـدا أو الصور تروح لعريسي، قولتلها هدفع بس توعديني إن الصور تتحذف، قالتلي ده أمر مفروغ منه، وفعلًا بدأت أفكر هجيب الفلوس دي منين، وملقتش غير فلوس نقطة الفرح إللي جوزي شايلهم في الدرج، يجي ١٥ ألف جنيه..
وفضلت يومين متوترة، ماسكة موبايلي، قلقانة، وهو كان ملاحظ ده وساكت، لحد ما في النهاية سـ,ـرقت الفلوس وبعتهالها ووعدتني إن كل حاجة انتهت، وتاني يوم صحيت على صوت عالي وزعيق، كان جوزي، وكان بيتهمني إني سـ,ـرقت ٨ آلاف جنيه، ولما جيت أزعق وأنكر التهمة قالي إنه بيراقبني من أول يوم ومش مطمنلي، وكمان نزل للسوبر ماركت تحت وعرف إني حولت من خلالهم ٨ آلاف جنيه على فودافون كاش وكمان جاب الرقم اللي حولت عليه..
أنكرت وزعقت معاه لقيته وفي نفس الوقت اتصل بأهلي، وجه والدي وأخويا مخضوضين وحكالهم كل حاجة، كل ده وأنا بنكر وببكي، لحد ما قالهم شوفوا تليفونها طيب ونتأكد إنها فعلًا سليمة ومفيش خيانة من ناحيتها، ولما شافوا الرعـ,ـب ناحيتي أبويا خد التليفون وفتحه، واتشاف الشات واتشافت الصور..
واضطريت أحكي كل حاجة ببكاء هيستيري، وهو كان قاسي أوي، قالهم هآمن على نفسي ازاي مع واحدة بتكشف جـ,ـسمها بالسهولة دي وللأغراب بدون أي حياء، واحدة شايفة الميكب فرض ومش مهم أي حد تاني، بواحدة بتسـ,ـرق فلوس جوزها بعد أيام من الجواز، وقالهم إن إكرامًا ليهم مش ليا هيطلقني بعد شهر عشان كلام الناس ميكترش، وعشت معاه شهر زي اليتيمة لحد ما جه يوم الطـ,ـلاق..
كنت طول الفترة دي بصلي وببكي كل ليلة لله لحد الفجر إن ربنا يسامحني، يسامحني على استهتاري وقلة حيائي وطمعي وعدم إحساسي تجاه جوزي، يسامحني على غروري وتكبري وكل حاجة وحشة فيا، ويوم الطـ,ـلاق ولما اتجمعوا لقيته بكل هدوء قال إنه عاوزني ومش هيطلقني، وهيديني فرصة تانية، ازاي ده حصل دي بالنسبالي معجزة، نزلت يومها بوست على رجله قدام أهلي وبكيت كتير أوي..
قولت أحكي قصتي وأنا خلاص هولد ابني الأول لعل وعسى البنات يفهموا منها، يفهموا إن الراجل اللي معاكي أهم من ألف حاجة طالما راجل، ولو فعلًا راجل هيقدر تحملك ووقفتك جنبه، وإن الزينة والبهرجة من أمور الشيطان وإن الستر والبساطة هما الجمال، وإن حيائك هو أغلى حاجة تملكيها ولو سقط كل حاجة بتسقط بعدها.. بقلم/ أحمد محمود شرقاوي
