مراتي فضلت حوالي سنتين بعد الجواز مبتخلفش، وفضلنا نجري من دكتور لدكتور لشيخ لدجال ومفيش أي نتيجة للأسف، وده لأن الموضوع عندنا صعب شوية وفكرة إنك متخلفش بنعتبرها عيبة كبيرة في حق الراجل وحق الست، عشان كدا أول ما حملت كنت طاير من الفرحة ومش مصدق أخيرًا إنها هتخلف وهرفع راسي وسط الناس كلهم، وحتى يوم ما عرفنا الخبر أختي عملت وليمة كبيرة أوي في البلد ووزعت على كل الناس تقريبًا..
وفضلنا منتظرين الطفل بفارغ الصبر، شهر واتنين وتلاتة، لحد ما جه يوم الولادة وخلفت مراتي طفل يبان إنه عادي، بس نظرة أختي كانت قلقانة وبتقول إنه استحالة يكون عادي، الطفل ده مش طبيعي إطلاقًا، وفعلًا وبعد كام شهر بدأت تظهر ملامحه، وكان واضع إنه هيطلع طفل عنده تأخر عقلي، وقتها مراتي حملت مرة تانية، واستنينا بفارغ الصبر، وخلفت طفل من تاني يعتبر نسخة من أخوه، طفل عنده تأخر عقلي وملامحه مختلفة عن كل الأطفال، مكناش نعرف إن الحالة دي اسمها “متلازمة دا ون”..
وفي يأس كبير حاولت المحاولة الأخيرة يمكن تنصفني المرة دي، بس للأسف جه التالت نسخة من أخواته الاتنين، وقتها تمنيت من كل قلبي لو كانت مخلفتش من الأساس، وكنت طلقتها واتجوزت غيرها، أو كانوا يمــ,,ـــــوتوا وميخرجوش للدنيا من الأساس، وكلها سنتين بس واللي توقعته لقيته، أنا اللي ليا اسم كبير في البلد كلها واسمنا معروف بقا بيتقال لولادي في الشوارع “العبايـ ـط” أو العيال المتخـ ـلفين اللي مبيفهموش، وكنت بتجنن لما بيوصلي الكلام ده..
عملت خناقات كبيرة كانت هتوصل للمـ ـوت مع أكتر من حد لأنه بيقول كدا على عيالي، بس ده موقفش الناس، خاصةً اللي بيحبوا يشمتوا فينا وفي عيلتنا الكبيرة المعروفة، ومن جوايا بدأت أدور على أي حل للمشكلة اللي أنا فيها دي، الطلاق مش حل، وبقا عندي رعب من إني أتجوز تاني وأخلف نفس الشكل ده، وقتها هيتأكد الظن إن أنا عندي مشكلة كبيرة، إنما دلوقتي أقدر أرمي المشكلة على مراتي مش عليا أنا..
وبدأت أشتكي لأختي مرة واتنين، أختي الكبيرة اللي تقريبا كنا بنعتبرها كبيرة العيلة مش أختنا بس، وبدأت تكلمني عن تخوفات جواها، التخوفات عبارة عن إن نسل عيلتنا شريف، مبيخرجش أطفال بالشكل ده، وإنها شاكة إن مراتي عملت الحرام مع حد تاني وجابت منه العيال دول، كلامها خلى النــ,,ـــــار تولع جوايا، لدرجة إني مسكت السكــ,,ـــــينة وكنت رايح أ.ها، بس أختي قالتلي أنا هتأكد الأول، وطلبت مني شعرة مني عشان تكشف وتتأكد العيال دول ولادي ولا لا، العيال ولا شبهي ولا قريبين من طبعي وصفاتي من الأساس..
واستنيت رجوعها على نــ,,ـــــار لأكتر من ٨ ساعات، وفي الآخر رجعت وقالتلي إنهم مش ولادي، وإن مراتي جابتهم من حد غيري، وبالأخص لما اتأخرنا في الحمل راحت اتصرفت وعملت ده مع حد تاني، عنيا أحمرت وبدأت الدنيا تتلون باللون الأسود قدامي، أختي مسكتني بالعافية وقالت إن التنفيذ لازم يبقا بحرفنة عشان محدش ياخد باله مننا، وهنقول إنها هربت بالعيال لأنها ملبوسة من الجن، والعيال اللي خلفتهم دول كانوا من الجن..
وخططنا لأكتر من تلت أيام لحد ما جه يوم التنفيذ، خدرت مراتي وعيالي التلاتة، وضــ,,ـــــربتهم بالنــ,,ـــــار الأربعة بد م بارد، وحطتهم في شنطة العربية وطلعت بيهم على المقابــ,,ـــــبر، دفــ,,ـــــنت الأربعة في مقبــ,,ـــــرة واحدة وقفلت عليهم، كل ده بالنسبالي سهل، ومفيش فيه أي مشكلة إطلاقًا، وكلمت أختي وقولتلها إن كل حاجة اتنفذت تمام، وقالتلي أرجع شقتي وبكرة نبلغ في مركز الشرطة إنها هربت ونعمل مشكلة مع أهلها ونتهمهم إنهم هربوها ونفضحهم، وبكدا نفلت من الجريمة كلها..
وقتها اتطمنت لأني عارف إن أختي شيطانة فعلًا، وعمرها ما خططت لحاجة ومعدتش على خير، دايمًا تخطيطها بيكون مناسب جدًا للموقف، روحت شقتي، فتحت الباب ودخلت، وبدأت أسمع صوت في أوضتي، صوت مش مفهوم من الأساس، دخلت الأوضة وأنا متحفز لقيت مراتي نايمة على السر,,ـــــير، مراتي اللي أنا .تها ولسة دافنها من ساعة واحدة بس.. وقفت قدامها مش عارف أتنفس من الرعب اللي اتملكني، وقبل ما أتحرك لقيت ولادي التلاتة داخلين الأوضة يصحوا أمهم بنفس طريقتهم اللي كانوا بيعملوها، وقتها مقدرتش أتمالك أعصابي وجريت برة الشقة وخرجت منها وأنا مرعوب، اتصلت بأختي وحكتلها كل حاجة، قالتلي:
ـ أنت متأكد إنك .تهم ودفــ,,ـــــنتهم؟! ـ أيوة طبعًا متأكد.. ـ يبقا أنت بتتخيل وبس.. وجت أختي وطلعنا الشقة من تاني، وفتشنا فيها حتة حتة، بس مكنش فيه أثر لمراتي وولادي، أختي طمنتني إن كل ده خيالات وطلبت مني أنام لحد الصبح هنا عشان بكرة ننفذ اللي اتفقنا عليه، وفعلًا قررت أدخل عشان أنام من تاني، ومسافة ما نعست فوجئت بإيد عنيفة بتهزني بقسوة غريبة، قمت مخضوض لقيت مراتي وولادي التلاتة واقفين قدام السر,,ـــــير بتاعي ثابتين، والغريب إنهم كانوا لابسين لبس الخروج كأنهم رايحين مشوار..
فضلت أبص ناحيتهم وأنا مش قادر أهمس، ولا أتحرك من مكاني، لقيت مراتي بتديني الجلبية بتاعتي وكأنها عاوزاني أخرج معاهم، كنت حاسس إني بدون إرادة وإني لازم أتحرك معاهم فورًا.. نزلت للشارع لقتهم واقفين على أول الشارع، وماشيين بهدوء شديد، وكل ما كنت بقرب منهم كانوا بيبعدوا بطريقة مُخيفة، الشوارع فاضية والجو لسة ليل، فضلت ماشي وراهم لحد ما وصلت للمقابــ,,ـــــبر، وبالأخص مقبــ,,ـــــرتهم اللي دفــ,,ـــــنتهم فيها، وقبل ما أقرب لقيت راجل وست واقفين قدام المقبــ,,ـــــرة دي، استخبيت بسرعة واتفاجئت إنها أختي ومعاها واحد معرفوش..
سمعتها بتتكلم وبتقول: ـ عاوزاك تحبس أي رسالة ممكن تطلع برة المقبــ,,ـــــرة دي وتفضحني، مش عايزة المدفونة جوة تخرج الحقيقة لأخويا أبدًا.. ـ حاضر يا ست الكل بس هتدفعي كتير.. ـ مفيش أي مشكلة، بس المهم إن اللي حصل لأخويا انهاردة وإنه يشوفهم بعد مــ,,ـــــوتهم ده ميتكررش تاني..
وقتها وبدون وعي مسكت حجر ضخمة وقربت منهم بهدوء شديد وفورًا نزلت بيه على راس الراجل اللي معاها، أختي اتفزعت من المنظر وأول ما شافتني وشها بقا لونه أصفر بطريقة مُرعبة، مسكت الحجر وهددتها لو محكتش اللي حصل هخلص عليها تمامًا، اترعشت وبدأت ترجع لورا بس أنا مكنتش ناوي أخليها تهرب، لازم أفهم اللي بيدور هنا..
وقالتلي إن العيلة كلها استنت إني أخلف من أول يوم جواز، ولما عدوا سنتين كاملين بدون خلفة اتأكدت إن العيب فيا أنا، وعشان الناس مياكلوش وشنا خدت مراتي تحت التهديد لواحد دجال وعملتلها عمل، بس الدجال اشترط إنه يعمل الفاحـ ـشة بمراتي عشان تخلف، ومراتي وقتها كانت شبه متخدرة.. أختي وافقت عشان تتخلص من معايرة الناس، وخلفت مراتي من الدجال مرة واتنين وتلاتة، وكل ده بدون علمي، ولأني كنت رامي الموضوع كله على أختي، ولما العيال اتولدوا بالشكل ده قررت تتخلص منهم كلهم من خلالي وتسخني على مراتي عشان أ.ها، وعشان معايرة الناس لينا كعيلة كبيرة ومعروفة..
مكنتش قادر أصدق اللي بتقوله ده، فضلت تتحايل عليا أهدى وإنها عملت كل ده لمصلحتي أنا، وإنها جابت الدجال ده عشان يحبس حتى قرين مراتي ميخرجش من مكانه يبلغ بالكارثة، بس الغريب إني مشوفتش وقتها القرين شيطان، أنا شوفت أختي هي اللي عبارة عن شيطان رجيم، شيطان قرر يتعامل مع الناس على إنهم عبيد، مش بشر، ينفذوا اللي يتقالهم بالحرف الواحد، وعشان شكلها قدام أهل البلد قررت تنتهك شرف مرات أخوها، وتدمر النسل، وكمان تخليني أ. مراتي وعيالها التلاتة..
محستش بنفسي غير وأنا نازل على دماغها بالحجر لحد ما كسرت راسها وخليتها بدون ملامح، وروحت سلمت نفسي واعترفت بكل حاجة، المقبــ,,ـــــرة اللي فيها ٦ جثث دي أنا اللي قاتل كل اللي فيها، الدجال وأختي ومراتي وعيالها التلاتة، كل ده عشان عُرف فاسد في البلد بيقول إن اللي مبيخلفش يبقا راجل معيوب، وإن ده مش قضاء وقدر زي ما الدين ما بيقول، كل ده عشان المظاهر، كل ده عشان اهتمينا بالعُرف قبل الشرع والدين.. [وَلا تَقْتُلُوا أَوْلادَكُمْ خَشْيَةَ إِمْلاقٍ] سورة الإسراء
بقلم/ أحمد محمود شرقاوي
