من أسبوعين عرفنا إن فيه واحد قريبنا من العيلة نازل من الخليج بعد شغل ١٠ سنين كاملين، وكان سبب النزول هو الجواز، وعرفت إن فيه اتنين في العيلة مترشحين عشانه، أنا وبنت خالتي (حلا) وأمي وأمها أكدوا علينا إنه مينفعش يتجوز غير واحدة فينا، كلام الأمهات اللي كلنا عارفينه، بس في النهاية الجواز ما هو إلا قِسمة ونصيب، لحد ما أمي كلمتني وقالت إنها بعتت صورتي ليحيى قريبنا دا..
لما شافني وشاف حلا بقا ميال أكتر ليا وعاوزني أنا، وطلب رقمي عشان يتواصل معايا على الواتساب، معارضتش وقولت تمام، وبالأخص لِأنه كان شخص مرتاح ماديًا جدًا، وكمان احتمال أسافر معاه بعد كدا وكل الناس بتتمنى تقرب منه، ببساطة كان عريس لُقطة زي ما بيقولوا.. وفعلًا تواصل معايا تاني يوم، شاب مُهذب ومحترم ومثقف ثقافة غير عادية، وارتحت أوي في الكلام معاه في أول يوم، بس من تاني يوم الحال اتبدل أسرع من المتوقع، بدأ يسأل عن شكل جسمي، ويُطلب صور تكشف جسمي، ولما لقاني متوترة كمل كلامه عن العلاقة وسألني أعرف عنها أيه، صدمني من التغير المُفاجئ ده..
قفلت معاه ومبقتش عارفة أتكلم أقول أيه، ولما أمي سألتني عملت أيه، حكتلها كل حاجة وأنا متع..صبة ومتض.ايقة وبقول إني هرفضه تمامًا، أمي شهقت من الخض.ة وقالتلي: ـ يا عبيطة وأيه المشكلة، مش هيدفع د..م قلبه فيكي، يبقا من حقه يعرف كل ده.. قولتلها إننا حتى مش مخطوبين عشان نتكلم في حاجة زي كدا، قالتلي ردي عليه ومتضيع.يش الفرصة دي، أي واحدة غيرك هتتكلم وترد عادي، وأنهت كلامها بالجُملة المُ.عتادة ـ جتك خيبة بت مش نافعة في حاجة..
وبعتلي مِن تاني بالليل، ورغم إن فيه ألف مانع جوايا بس كلام أمي كان مطمني ومح.فزني عشان مضيعوش من إيدي، رديت عليه حسب معلوماتي وتجاوبت معاه في الكلام وبعتله صور بس مش زي ما كان طالب طبعًا، تاني يوم مبعتليش خالص، بعتله مرة واتنين تجاهلني تمامًا.. واستمر التجاهل ده لمدة أسبوع وأنا ببعتله وبتحايل عليه يرد عليا ويفهمني إن كان زعلان مني في حاجة، بس لا حياة لمن تنادي، وبعد أيام جالي الخبر إنه نازل يخطب (حلا) كانت ص……زدمة غير طبيعية بالنسبالي، أنا اتعشمت إنه هيخطبني أنا، أمي فضلت تلوم فيا وقالتلي أروح أبارك لبنت خالتي وأنسى الموضوع تمامًا..
وفعلًا روحت لحلا وباركتلها وأنا جوايا غصة مش قادرة أبلعها، ولما الوقت اتأخر خالتي عرضت عليا أبات معاهم وأمشي تاني يوم، وسهرت أنا وحلا طول الليل لحد ما نامت وسابت تليفونها مفتوح، عمرها ما قفلت تليفونها بأي رمز، وجالي فضول وقتها أشوف كلامها مع يحيى.. كانت محادثة طويلة أوي، محادثة خلت نار مُلتهبة تولع جوايا، كلمها وبدأ معاها زي ما بدأ معايا، سألها عن شكل جسمها وطلب صور وكلمها في العلاقة الزوجية، نفس الأسئلة تقريبًا، بس المختلف إن حلا مسحت بكرامته الأرض، حلا عملت فيه اللي مفيش بنت عملته قبل كدا، وهد.دته لو بعتلها هتف.ضحه وتبعت لِأخواته البنات، وقالتله نصًا:
ـ لو أختك تقبل حد يكلمها في حاجة زي كدا.. بس الغريب إنه فضل أسبوع كامل يبعتلها، يعتذر، يترجاها توافق، يبرر إنهم برة واخدين سُمعة عَن بنات مصر إنهم مش كويسين وهو كان بيختبرها وإنه غلط، مسكته مسحت بكرامته الأرض تاني، وفضل وراها، اعتذارات، مسايسة، قالها إنه كلم العيلة كلها عشان تقبل بيه، بل وقالها مستعد يدفع أي مهر في الدنيا عشانها، وفي النهاية وافقت وقبلت اعتذاره..
عَن كمية ال.ن.ار اللي ولع.ت في قلبي وقت.ها، الق.ذر كان بيخ.برني..، ولما اتنازلت عن حيائي شافني حاجة رخيصة لا تستحق إنه يكمل معاها، في حين إن اللي حافظ.ت على نفس.ها بقا يجري وراها ويتمنى بس رضاها، وقتها حسيت إني أرخص بنت في الدنيا، حسيت بال.ذل والإ.انة، ياريتني ما سم.عت كلام أمي.. الفكرة مابقتش في العريس أد ما بقت في الموقف اللي اتح..فر في ذهني ومش هنساه طول عمري، لحد ما لقيت رسالة منه بيقولها فيها:
ـ لما نتخطب مش عايزك تختلطي بحد كتير وبالأخص بنت خالتك لِأنها ممكن تحقد عليكي.. دلوقتي بقيت أنا اللي بحقد، وطبعًا هو بيبرر لِأنه شايفني ممكن أفسد مراته المحت.رمة بنت الناس، وأنا الفاسدة قليلة الأدب، وحكيت لواحدة صاحبتي لقتها بتضحك على غبائي، وقالتلي: ـ كان واضح أوي إنه اختبار..
ناس كتير برة واخدين سُمعة إن البنت المتعلمة في مصر ليها علاقات سابقة، وهو كان بيشوف، لقاكي متجاوبة معاه يبقا أنتي خبرة وليكي علاقات سابقة، لو اتعصبتي أو رفضتي يبقا أنتي بنت محترمة، بس قبل كل ده البنت اللي عندها دين ولا هتقبل تتكلم في حاجة زي دي ولا هتسمع كلام أمها لأن (لا طاعةَ لمخلوقٍ في معصيةِ الخالقِ)..
عارفين أنا عملت أيه، أنا حطيت سم في كوباية العصير بتاعته يوم الخطوبة، أنا قتلته مِن قهرتي وغضبي منه، قتلته والموضوع اتعرف ومستقبلي كله اتدمر، مش مستقبلي بس، ده دنيتي كلها ويمكن آخرتي، وقبل ما أبقا على حبل المشنقة حبيت أوضح نقطة واحدة، أحيانًا الإنسان لما بيتنازل ويعمل حاجة حرام وبيستهون بنظر ربنا مبتكنش له فرصة تانية خلاص، وكل حاجة بتدمر..
ربنا لما أمر الست تغض البصر وحرم الكلام مع أي شاب حتى لو خطيبها كان لمصلحتها، كان عشان يحفظها حتى مِن أصحاب الظن السيء، بس هي بتتساهل وتقول ده خطيبي وعادي، وللأسف أما العلاقة بتفشل، أو بتكمل بفشل لأنها بتصغر في عنيه وبيشوفها رخيصة، أو بتنتهي زي نهايتي كدا.. بقلم/ أحمد محمود شرقاوي
