وفضلت أدعيله كتير أوي وأنا قدام القبـ .ـر بتاعه، دعيتله لدرجة إني نسيت نفسي لحد ما المغرب أذن والليل دخل، وقتها قررت أتحرك، وقبل ما أتحرك سمعت صوت جاي من بعيد، استخبيت بسرعة ووقفت أراقب صاحب الصوت، كان التُربي، عم سعيد، راجل البلد كلها عارفاه، لقيته ماسك جمرة ضخمة وقام راميها جوه القبـ .ـر من فتحة صغيرة في الحائط بتاع القبـ .ـر، وسمعته بيتكلم في التليفون وبيقول: ـ أيوة يا ست بسمة، خلاص كله تمام..
ومشي من قدام القبـ .ـر، وفضلت مكاني مش قادرة أستوعب اللي حصل ده، بسمة دي تبقا مراته، أنا أعرفه وأعرف مراته كويس أوي، بس ليه بتعمل كدا هي والتربي، وبدأت أسأل من تحت لتحت ناس معرفة عن قصة الراجل ده، أغلب الناس كانوا بيرددوا كلام أهل البلد وبس، لكن اللي عرفته إن مراته قاعدة في بيته لحد دلوقتي، وواخدة كل ثروته وعياله من مراته التانية مخدوش أي حاجة..
الموضوع مريب، الست دي بتحاول تشوه سمعته حتى وهو ميت، الست دي بتعمل حاجة مش مفهومة، بس كل اللي كنت أقدر أعمله إني أدعيله وبس، طلعت كل تحويشة عمري وعملت صدقة جاريه له ولأمي، وبقيت بدعيله هو وأمي في كل صلاة بالرحمة والمغفرة..
فضلت على الحال ده ٣ شهور، لحد ما صحينا في ليلة على مصيبة في البلد، بيت كامل بيتحرق والنـ .ـار ماسكة فيه، ومقدرتش أستوعب إن ده بيت الراجل الميت، ومراته بسمة كانت جوه، الناس حاولوا يلحقوها ويوم ما لحقوها كانت عبارة عن جـ .ـثه ملتهبة بالنـ .ـار، وزاد الكلام بعد الحـ .ـادثة دي إنه ملعون ولعنته طالت مراته اللي ظلـ .ـمها كمان..
وقتها مكنش ينفع أسكت خالص، روحت لعمامي وحكتلهم كل حاجة وبكيت، اترجيتهم ميسكتوش ويحكوا لأهل الراجل على كل حاجة، ورغم اعتراض أعمامي إلا إن عمي الكبير وقف معايا وراح لأهل الراجل وحكى كل حاجة، وجابوا التُربي وهددوه واللي حكى كل حاجة.. بسمة هي اللي قـ .ـتلت جوزها عشان تاخد بيته وثروته وكل حاجة، وبعد مـ .ـوته فضلت تحكي قدام كل الناس إنه أخد ثروتها ودهبها واداهم لمراته التانية وظلـ .ـمها وأكل حقها، محدش صدقها، ولعبت لعبة شيطانية، خلت التربي بالفلوس يولع جوه قبـ .ـره كل شوية، لحد ما الناس اتكلموا، والكل قال ده حق مراته اللي أكل حقها..
ولما عملوا قعدة حكموا ليها بالبيت عشان الراجل ميتعبش في قبـ .ـره ومراته التانية مخدتش حاجة، وكانت مراته كل ما تتكلم وتطلب حقها تولع جوه القبـ .ـر عشان الكلام يكتر وتسكت لأن محدش هيقف معاها وهي مرات راجل ظالم.. وأنا بس اللي اكتشفت الحقيقة، وسبحان الله مراته وبعد ظلـ .ـمها ليه وتشويه سمعته حتى وهو ميت داقت من نفس النـ .ـار واتحرقت، وانتشرت الحكاية كلها في أيام، وبعد ما كانت الناس بتلعنه بقوا بيترحموا عليه والكل تصدق عنه، واتنقلت اللعنة لمراته وبس، بقا الكل بيلعنها هي، وبقا مفيش زائر للمقابـ .ـر إلا وبيقف قدام قبـ .ـره يدعيله..
اللي بيولع النـ .ـار في الناس ويأذيهم وياكل حقوقهم ويشوه سمعتهم ميفتكرش إنه شاطر، لأن النـ .ـار جندي من جنود الله، وهتلف تلف وتولع في قلب بيته هو، والمظلوم الناس هتترحم عليه ليوم الدين، الدنيا مش ماشية كدا، الدنيا ماشية بميزان إلهي، ولا يقع في مُلك الله إلا ما أراد الله، واللي ولع النـ .ـار في بيتك بكرة تولع في قلب بيته ويتفحم فيها، فسلمها لله وبس.. كاليفورنيا ـ لوس أنجلوس.. بقلم/ أحمد محمود شرقاوي
