كلمت ريم تاني يوم وأنا منهارة تمامًا، قالتلي إنها هتكلم الشيخ وتفهم منه، وبعد ساعتين قالتلي إن دي طاقة سلبية في البيت واتكشفت وإنها هتخرج خلال أسبوع واحد ولازم أتحمل، بس هتحمل تيه، هتحمل شبيه جوزي اللي بقا بيظهر مرة واحدة في الحمام، ولا لما فتحت الدولاب لقيته واقف زي التمثال جوه، ولا هتحمل لما كنت بنضف تحت السرير ولقيته نايم تحته..
أنا عشت أسبوع رهيب من الرعب، وجوزي كان بيتأخر ويبات بره كتير، كان بيقول إن ريحتي بشعة ومش طايق يقرب مني، حتى أنا بدأت ألاحظ إن مناطق في جسمي بتخرج منها ريحة مقززة وبيظهر فيها سواد غريب، أنا كنت حاسة إني بتدمر، وعدى الأسبوع، عدى وكل حاجة كانت مستمرة.. الرعب بيزيد، وجوزي تجاهلني تمامًا، لحد ما جتلي رسالة من الصفحة دمرت اللي باقي من مخي:
ـ أنا أدمن في صفحة الشيخ، صاحبتك ريم دفعت مبلغ كبير أوي للشيخ عشان تخطف منك جوزك، وأنتي بسذاجتك جبتي الأتر منك ومنه، ودفـ,ـنتي بغبائك برضه عملين، واحد بالمحبة بين جوزك وريم، وواحد بالخراب بينك وبين جوزك، ولو عايزة تلحقي بيتك لازم تدفعي ٥٠ ألف في أسرع وقت..
وقعت من طولي، صرخت، هجيب الفلوس دي منين، وكمان ريم تعمل فيا كدا، اتصلت بيها والغريب إنها ردت عليا، شتمتها وهزقتها، قولتلها إني زي ما سحرت جوزي هسحرها وهخرب بيتها، الغريب إن جوزي كان جمبها، وسمعت شتيمته ليا لما اعترفت بغبائي إني سحرته، وطلقني، طلقني في التليفون، واللي عشت خايفة منه وهو جواز جوزي عليا أنا اللي حققته بإيدي، وعرفت إني استحالة هصارع ريم لأن فلوسها أكتر من فلوسي بمراحل ولو دفعت ألف هتدفع ١٠٠، وقالتلي إن الرعب هينتهي من حياتي لأني خلاص أطلقت وبيتي اتخرب..
اللي عرفته بعدها إن ريم مطلقتش عشان جوزها كان هيتجوز عليها، ريم اطلقت عشان خـ,ـاينة، وعشان أفكارها المتطرفة والناس اللي كانت بتابعهم زيي بتوع الشرع بيقول الست تعمل أيه ومتعملش أيه، الغريب إني بدأت أفوق، شرع أيه اللي باخده من واحدة متبرجة بتطلع على الفضائيات متعرفش صلاة الضهر كام ركعة، جوزي مين اللي مكنش مكفيني، جوزي كان بيأكلني ومشربني وساترني في البيت.. أنا اللي سقف طموحي وطلباتي بقا بيعجزه، أنا اللي كنت بوهم نفسي إنه بخيل مبيصرفش، وأنا اللي سمحت لهم يضحكوا عليا ويتدخلوا في شئون بيتي، بعت بعدها لحد ثقة مشكلتي وكان الرد..
كان لازم يا بنتي تحرصي من شياطين الإنس قبل شـ,ـياطين الجن، شيـ,ـاطين النسويات اللي لعبوا في عقول الستات وخلوكي تروحي ناحية الدجل والشرك بالله، شياطين النسويات هيفهموكي إن جوزك مبيعملش حاجة وإن كل الرجالة خاينين، وهو مفروم بره في مفرمة ما يعلم بيها إلا ربنا، بيتفرم عشانك مش عشانه، لو عليه هو يتمنى يرتاح يوم واحد من شغله، بس المسؤولية اللي عليه تتطلب إنه يحميكي ويصرف عليكي..
وأنتي لازم تفهمي ده، وتحتويه، وتعرفي إنه زي أبوكي لازم تطيعيه لأن دي أوامر ربنا، وإن النسويات مش هيعملوا حاجة غير إنهم هيخـ,ـربوا بيتك وبس، أو يحدفوكي ناحية الحرام ونار ربنا، كل كلمة حرام تلفظتي بيها أو انتـ,ـهاك لشرع ربنا بلسانك ولو عن جهل ممكن تخرجك من المِلة كلها.. الجواز يا بنتي استقرار وإعانة لبعض عشان توصلوا للجنة، مش مجرد حرب بين الطرفين، جوزك متمرمط بره عشان يلاقي العفة والاحتواء في بيته مش يلاقي العِند والممانعة في الفراش والمقارنات والأفكار الشيطانية دي..
توبي يا بنتي لله يمكن ربنا يتقبل منك، ولو على ريم فهي هتتحرق بنار السحر اللي عملته، ريم اللي أنتي قبلتي إنها تكون صاحبتك رغم إنها متطرفة الفكر مع إن المرء على دين خليله، وأي بنت تقبل إن صاحبتها تبقا متطرفة نسوية زيها تستاهل اللي هيحصلها.. [الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَىٰ بَعْضٍ وَبِمَا أَنفَقُوا مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللَّهُ وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا إِنَّ اللَّهَ كَانَ عَلِيًّا كَبِيرًا] سورة النساء
بقلم/ أحمد محمود شرقاوي
