وفي لحظتها رجع النور من تاني، كانت لفافة قماش قديمة أوي، أول ما فتحتها صرخت من بشاعة ريحتها، مواد قذ.رة جواها ووسطها طلاس.م وحروف، وكان اسم فاطمة جواها.. خدت اللفافة وأنا بتر.عش ورنيت على صاحب البيت اللي كان أداني رقمه عشان لو احتجت حاجة بالليل، رنيت مرة واتنين وتلاتة لحد ما صحي، نزل يجري وهو خا.يف، قولتله بسرعة: ـ اسم بنتك أيه؟؟ جاوبني بخو.ف: ـ فاطمة.. لحظتها كشفت عن اللفافة وقولتله بابتسامة: ـ دا سبب مر.ض بنتك..
ووق.ع الراجل من طوله يبكي، حاولت أهديه كتير أوي، بل وح.ضنته عشان يهدى، خرجنا مع بعض ودوبنا السحر دا في مية بملح وطلبت منه يحكيلي حكاية بنته، وفعلًا الراجل بدأ يحكيلي..
قالي إنه بنى البيت دا من سنين طويلة، وأيام البناء حصلت مشاكل مع مراته التانية وطلقها، وإنه بقا متأكد إنها اللي حطت السحر دا لبنته من يومها، واتبنى البيت، بس خر.بت حياة بنته، مشاكل ثم طلاق ثم م.رض شديد لسنين طويلة جدًا، سنين كلت من حياته كلها، ومن أيام بقا يدعي ويصلي كتير أوي، لحد ما بقت بنته تصرخ كل ما تدخل الحمام وتقول إنها حاسة بضيق شديد بسبب الحيطة دي، ولما اتكرر الموضوع قرر إنه يجيب حد يهدها عشان بنته تهدى شوية وإنه مكنش يعرف إن الشفاء خلاص كان جاي..
وفضل يتكلم معايا كتير أوي لحد ما سمعنا آذان الفجر، دخلنا صلينا مع بعض وخرجنا رجعنا للبيت، وكانت الصد.مة لما الراجل لقى بنته نازلة تصلي وكأنها سليمة ومفيهاش أي حاجة، وقتها سجد في الأرض وفضل يكبر وح.ضن بنته أكتر من ربع ساعة.. تاني يوم قررنا نبني الحيطة تاني، جبنا عمال بنوها وادهنت بلون هادي وقررت أودعه وأمشي، وقتها دار بيني وبينه حوار عجيب: ـ بص يابني أنا عندي مصنع أحذية كنت هبيعه، وبما إنك السبب بعد ربنا في شفاء بنتي فأنا هكتبلك نصه..
اتوترت أوي ورفضت بحزم شديد بس هو مكنش ناوي يسبني إطلاقًا، وقرر إنه يشغلني معاه ونص أرباح المصنع تبقا من نصيبي، بل وأجر شقة راقية ليا ولأمي قريبة منه، ومع أصراره وفي يوم وليلة بقيت مسؤول في مصنع وليا نص أرباحه، وكلها أيام وقدرت أودي أمي لأكبر مستشفى في البلد واللي بدأت رحلة العلاج فعلًا وصحتها بدأت تتحسن.. وسبحانه، الراجل عرض بنته عليا واتجوزتها، كل دا في شهر واحد، ربنا عوضني عوض السنين في ٣٠ يوم بس، زوجة صالحة، وشفاء لأمي، وأب صالح ورزق كبير..
بل وشفا بنت الراجل، كل دا بالصلاة والدعاء، لسة لحد انهاردة بتخيل لو كنت رميت أمي وسمعت كلام مراتي القديمة، كان زماني فين، لسة بتخيل لو كنت سخطت لما الراجل خب.طني بعربيته واتخا.نقت معاه ومروحتش بيته.. سبحان الله أقدار خدتني واحدة واحدة ناحية رزق ربنا، وسبحانه من قال [وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لَا تَعْلَمُونَ] سورة البقرة [فَعَسَىٰ أَن تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا] سورة النساء
بقلم/ أحمد محمود شرقاوي
