ـ فيه حد بيصون الجميل وحد لا يابني.. قالتها خالتي وهي ح.ضناني زي العيل الصغير وكملت؛ ياسر أبوه وأمه ماتوا ومبقاش غيره هو وأخته يارا، كان شاب شهم جدًا وجدع، طلع وهو عنده ١٢ سنة بس يشتغل ويتمرمط في الشوارع عشان يكفي أخته ويشيلها في عنيه، ورفض إنها تعيش مع حد من أهلهم، صرف عليها دم قلبه لحد ما دخلت الجامعة، كان معروف في المنطقة كلها وكل الناس بتحبه، وفضل يصرف على أخته لحد ما وصلت لآخر سنة في الجامعة..
وفي يوم وهو في وسط شغله حد بعتله صور أخته عريـ ـانة وقاله إن أخته بتبعتله الصور دي وإنها عاملة معاه علاقة كمان، ياسر وقتها عقله طار، اتصل بأخته يتأكد من اللي شافه بس البنت خافت ومأنكرتش ده، رجع البيت ملقاش أخته في البيت، وفضل للأسف شهر يدور عليها زي المجنون، في الوقت ده الصور كانت على كل تليفون في المنطقة..
الشاب اللي كان على علاقة مع أخته أختلف معاها وقرر يفضحها وبعت كل حاجة لجيرانها وأخوها، وللأسف ياسر اتجنن، اتفضح وبقا مكسور وسط الناس، أهمل شغله وحياته وبقا يلف في الشوارع زي المجانين، لحد ما حد بلغه في ليلة إن أخته في الشقة اللي قصادنا دي وطلعت مع واحد، طلع يجري زي المجنون وكسر باب الشقة عشان نتفاجئ بصوت صريخ رهيب..
جوزي نزل مع الناس يشوفوا فيه أيه وسمعنا ياسر بيسب ويشتم في أخته اللي لقاها في علا.قة جنـ ـسية مع شاب، أخته اللي مقررتش تتوب أو تستعطف أخوها وترجع، بل قررت تكمل في كل دا، ووسط الهرج والمرج ومحاولته لق.تل الشاب اللي معاها فوجئنا بالبنت بتقع من البلكونة وأخوها بينط وراها وهو بيلعنها ألف مرة إنها دمرت حياته..
وللأسف يابني البنت وقعت على جوزي وسببتله إصابة خطيرة وماتت، وأخوها وقع على راسه وجسمه اتكسر، وكلها يومين وجوزي مات بسبب واحدة قذرة قررت تمشي في سكة الحرام، وشاب ندل قرر يفضحها قدام الناس، ومعرفش بعد ما ق.تلت جوزي جاية تاني ليه تاخدك مني يابني، كأنها بتعاقبني على حاجة أنا معرفهاش.. ……………… دخلت أوضتي وأنا جسمي بيتنفض، ومرعوب، فتحت موبايلي ملقتش رقمها اللي كلمتني منه، معرفش ازاي كلمتني وقتها، فتحت النت بسرعة وراجعت الشات، أنا اللي كنت مسافر ومفيش حد يرضي شهوتي، ودورت على النت لحد ما جبت الشات..
أنا اتعرفت من برة على بنت اسمها يارا، واستدرجتها لحد ما بعتتلي صورها عريـ ـانة على أمل إني هتجوزها، ولما ساومتها مرة واتنين ورفضت واختلفنا قررت أدخل الأكاونت بتاعها وبعت الصور لأخوها وأصحابها وكل الناس.. مكنتش أعرف إن القدر هيخليها تكمل في الحر.ام، ومكنتش أعرف إنها هتهرب من أخوها وتعيش مع شاب في الحرام قصاد شقة خالتي، ومكنتش أعرف إنها هتق.تل جوز خالتي وتستناني أنا، تستناني عشان أرجعلها من السفر عشان تنت.قم مني.. أنا الشاب اللي كلمها على النت وفضحها..
……………… تاني يوم الناس اتفاجئوا بعمرو بينـ ـحر ويرمي نفسه من البلكونة بعد ما ساب رسالة لخالته بيطلب منه تسامحه لأنه هو اللي كلم يارا وفضحها، وخالته كلها أيام وماتت وراه، شهوة شاب واستسهال بنت مصانتش أخوها اللي شقي علشانها دمروا ألف حاجة وحاجة، كل بنت بتبعت صورها لشاب أو شاب مبيقدرش يسيطر على غريزته نهايتهم بتكون في قمة السوء للأسف.. [وَلَا يَظْلِمُ رَبُّكَ أَحَدًا] سورة الكهف [قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَٰلِكَ أَزْكَىٰ لَهُمْ إِنَّ اللَّهَ خَبِيرٌ بِمَا يَصْنَعُونَ] سورة النور
بقلم/ أحمد محمود شرقاوي
